ਖੁਦ ਨੂੰ ਰੋਕਣਾ ਨਹੀਂ ਚਾਹੀਦਾ।

ਜਦੋਂ ਜ਼ਿੰਦਗੀ ਦੂਜਾ ਮੌਕਾ ਦੇਵੇ

ਤਾਂ ਬਹੁਤਾਂ ਸੋਚਣਾ ਨਹੀਂ ਚਾਹੀਦਾ,

ਕਿਸਮਤਾਂ ਨਾਲ ਮਿਲਦਾ ਇਹ ਪਲ

ਖ਼ੁਦ ਨੂੰ ਰੋਕਣਾ ਨਹੀਂ ਚਾਹੀਦਾ।

ਵਕਤ ਲੈਂਦਾ ਇਮਤਿਹਾਨ ਹਰ ਪਲ

ਮੁਸ਼ਕਲਾਂ ਰਾਹ ਰੋਕ ਖੜ ਜਾਂਦੀਆਂ ਨੇ,

ਪਰ ਮੁਸੀਬਤਾਂ ਤੋਂ ਡਰਕੇ ਅੱਗੇ ਵੱਧਣ ਤੋਂ

ਖ਼ੁਦ ਨੂੰ ਰੋਕਣਾ ਨਹੀਂ ਚਾਹੀਦਾ।

ਦਿਲ ਵਿਚ ਹੈ ਅਰਮਾਨ ਕੋਈ

ਜਾਂ ਕੋਈ ਸੁਪਨਾ ਪੂਰਾ ਕਰਨ ਦੀ ਆਸ ਹੈ,

ਪਾਣੀ ਹੋਵੇ ਆਪਣੇ ਨੲੀ ਪਹਿਚਾਣ ਭਾਂਵੇ

 ਖ਼ੁਦ ਨੂੰ ਰੋਕਣਾ ਨਹੀਂ ਚਾਹੀਦਾ।

ਜਿ਼ੰਦਗੀ ਬਹੁਤਾਂ ਲੰਮੀ ਨਹੀਂ

ਨਾਂ ਸੋਚਾਂ ਵਿਚ ਪੈ ਕੇ ਜਾ਼ਇਆ ਕਰ,

ਅੱਗੇ ਕੀ ਬਣਨਾ ਇਹ ਸੋਚ ਕੇ

ਖ਼ੁਦ ਨੂੰ ਰੋਕਣਾ ਨਹੀਂ ਚਾਹੀਦਾ।

ਹੱਥ ਆਇਆ ਮੌਕਾ ਕਿਓਂ ਗਵਾਉਂਦੇ ਹੋ?

ਕੋਸ਼ਿਸ਼ ਵੀ ਮਾਈਨੇ ਰੱਖਦੀ ਹੈ,

ਹਾਰ-ਜਿੱਤ ਦੀ ਚਿੰਤਾ ਵਿੱਚ

ਖ਼ੁਦ ਨੂੰ ਰੋਕਣਾ ਨਹੀਂ ਚਾਹੀਦਾ।