पढ़ना जरूरी

ए बबुआ, ए बबुनी ,ए नन्हा मुन्ना भाई,

चल कर तू पढ़ाई,किस्मत बदल जाई,

घर के हालत तबे सुधरी जब हमनी के

घर अंगना दुअरा पर ज्ञान अलख जगाई।

पढ़ लिख के चल ऊँच नीच के भेद मेटाव,

पढ़ लिख के चल जाति धर्म एक कर जाव,

कायदा कानून सब समझल तू अउरी

भूख गरीबी से सबके पीछा छुड़ाव।

कलम से बड़का नाही कौन हथियार,

कलम ही चाहे तो बदल जाई सरकार,

कलम के मान बढ़ावे खातिर चल तू

मेहनत से पढ़ लिख ल ए बबुआ हमार।

पढ़ाई बिना जिनगी अंधार इ तनी समझ तू,

पढले बिना तू रह जइब गंवार ई समझ तू,

केंगे नया नया ज्ञान तू बोल पाइब,

बिना पढ़े ना होई गुजारा ई समझ ल तू।