ಜೀವಾಚೆ ಮ್ಹೊಲ (Part-2)

ಜೀವದ ಬೆಲೆ ವೈದ್ಯನಿಗೆ ಗೊತ್ತಿಲ್ಲವೇ? ಗೊತ್ತಿದ್ದರೆ ಅವನು ಹೀಗೆಕೆ ಮಾಡಿದ? ಬೇತಾಳ ಕತೆಯ ಮುಂದಿನ ಭಾಗ.

Originally published in kn
Reactions 0
355
Argodu Suresh Shenoy
Argodu Suresh Shenoy 23 Oct, 2020 | 1 min read

ತೆದ್ದನಾ ವೈದ್ಯ ಸೋಮನಾಥು “ಮಹಾರಾಯಾ... ರಾಗಾನ ಖಾಂಯಿ ಮುನಾಪೋ ಮೇಳ್ನಾ. ಕೊಪ್ಪಾನ ಕೆದ್ನಾಯಿ ಅನರ್ಥ ಘಡತಾ. ಹಾಂವ ಪರತ ವಿಂಧ್ಯಪರ್ವತಾಕ ವಚೂನು ತ್ಯಾ ಜಾಡ-ಮೂಲಿಕಾ ಹಾಡ್ನು ತುಮಗೆಲೆ ಧೂವ್ಯಾಲೆ ಜೀವು ರಾಕ್ತಾ ಮ್ಹಳ್ಳೊ. ತೆದ್ದನಾ ಸೋಮನಾಥ ತಾಕೂನು ಜೀವು ವಾಂಚಿಲಿ ಮಾಂತಾರಿ ಥೈಕ ಎವ್ನು “ಮಹಾರಾಯಾ...! ಮೆಗೆಲೆ ನಿಮಿತ್ತ ಹೇ ವೈದ್ಯಾಕ ಅಸ್ಸಲೆ ಸಂಗಟ ಆಸ್ಸ ಜಾಲ್ಲೆ. ತಾಣೆ ಹಾಡಿಲೆ ಜಾಡ-ಮೂಲಿಕಾ ವ್ಯರ್ಥ ಜಾವಚಾಕ ಹಾಂವಚಿ ಕಾರಣ ಜಾಲೇಲಿ. ತ್ಯಾ ಖಾತೇರಿ ತಾಕ್ಕಾ ದಿವಚೆ ಮರಣದಂಡನಾ ಮಾಕ್ಕಚಿ ದಿಯ್ಯಾತಿ. ಸೋಮನಾಥಾಕ ವಿಂಧ್ಯಪರ್ವತಾಕ ವಚೂಕ ಸೋಡಾ. ಮ್ಹೊಣು ಮಾಗೂನು ಘೆತಲೀಂ.

ತೆದ್ದನಾ ಸೋಮನಾಥು “ಮಹಾರಾಜಾ...! ಹಾಂವ ಜೀವ ವಾಂಚೆತಾಲೊ ವೈದ್ಯು. ಮೆಗೆಲೆ ನಿಮಿತ್ತ ಆನ್ನೇಕ ಜೀವು ನಾಶ ಜಾವಚೆ ನಾಕ್ಕಾ. ತ್ಯಾ ಕಾರಣಾನ ಮಾಕ್ಕಾ ಆನ್ನೇಕ ಪಂತಾ ಫುರಸತ(ಅವಕಾಶ) ದಿಯಾತಿ. ಹಾಂವ ಸಾಂಗಿಲೆ ಉತ್ತರ ಚುಕತಾಲೊ ನ್ಹಂಯಿ. ಮೆಗೆಲೆ ವಯರಿ ಕರುಣಾ ದಾಖಯಾ. ವೈದ್ಯಾಕ ರೋಗಿಂಕ ಹುಷಾರ ಕೊರಚೆ ಪಶಿ ವ್ಹಡ ಕರ್ತವ್ಯ ಕಸ್ಸಲೇ ಉರ್ನಾ.. ವಚ್ಚೆಕ ಸೊಡಾ ಮ್ಹೊಣು ನಾನಾ ನಮೂನ್ಯಾನ ಮಾಗ್ಗೂನು ಘೆತಲೊ. ರಾಯು ಆಪಣಾಲೆ ಮಂತ್ರಿ ಬರಶಿ ಪರ್ಯಾಲೋಚನ ಕೊರನು ಸೋಮನಾಥಾಕ ಪರತ ವಿಂಧ್ಯಪರ್ವತಾಕ ವಚೂನು ಎವಚಾಕ ಆನ್ನೇಕ ಪಾವಟಿ ಸಮ್ಮತೀ ದಿಲ್ಲೊ. 

ಜಾಲಯಾರಿ ವಿಂಧ್ಯಾ ಪರ್ವತಾಕ ಮ್ಹೊಣು ಘೆಲೀಲೊ ಸೋಮನಾಥು ಏಕ ಮ್ಹಹಿನೋ ಜಾಲಯಾರೀಚಿ ಪರತ ಯೇನಿ. ಹಾಜ್ಜೇನ ಸಕಾಲಾಕ ವಾಕ್ಕದ, ಚಿಕಿತ್ಸಾ ಮೆಳನಾಶಿ ಚಂದ್ರಪ್ರಭಾ ಮೊರನು ಘೆಲ್ಲಿ. ತಾಜೆನ ಕೀರ್ತಿಸೇನಾಕ ಪಿಶ್ಶೆ ಲಾಗಲೆ. ಮ್ಹೊಣು ಬೇತಾಳ ದುಃಖಾಂತ್ಯ ಕಾಣಿ ಸಮಾಪ್ತಿ ಕೆಲ್ಲೊ. ತೆದ್ದನಾ ವಿಕ್ರಮಾಲೆ ಮನಾಂತು ಆತ್ತ ಹೇ ಬೇತಾಳ ಖಂಚೆ ಸವಾಲ ವಿಚಾರಚಾಕ ಪುರೊ ಮ್ಹಣಚೆ ತಳಮಳ ಆಶಿಲೆ. 

ತ್ಯಾ ಕಳೀಲ ವರಿ ಬೇತಾಳ ವಿಕ್ರಮ ತುಗೇಲೆ ಮೌನ ಪಳಯಲ್ಯಾರಿ ಮಾಕ್ಕಾ ತೂಂವಯಿ ಸೋಮನಾಥ ವರಿ ಕರ್ತವ್ಯ ಲೋಪ ಕೊರಚಾಕ ಬಾಯರಸರಲೀಲ ವರಿ ದಿಸ್ತಾ. ವೈದ್ಯಾಕ ರೋಗಿಲೆ ಕಾಯ್ಲೊ ಗೂಣ ಕೊರಚೆ ಪಶಿ ವ್ಹಡ ಕರ್ತವ್ಯ ನಾಮ್ಹಳಿಲೊ ಸೋಮನಾಥ ಪರತ ಕಿತಯಾಕ ಏನಿ? ತಾಕ್ಕಾ ತಸ್ಸಲೆ ಆನ್ನೇಕ ಜಾಡ-ಪಾಳ ಮೇಳ್ನೀವೆ? ಜಾಂವೊ ಪರ್ವತಾಂತು ಖಂಚತರಿ ಕ್ರೂರಪ್ರಾಣಿಲೆ ತೊಂಡಾಕ ಪೋಡ್ನು ಆಸ್ಸುಕ ಪುರ್‍ವೆ? ನಾ ಜಾಯಿ ಮ್ಹೊಣು ಯೇನಿವೇ? ಖಾಂಯಿ ಮುನಾಪೊ ನಾತಲೇರಿ ಸಹಿತ ಮಾಂತಾರೆಕ ವಾಂಚೆಲೆ ತಾಕ್ಕಾ ರಾಜಕುಮಾರಿಕ ವಾಂಚೆಲ್ಯಾರಿ ಅರ್ಧ ರಾಜ್ಯ ಆನಿ ತಿಗೆಲೆ ಬರಶಿ ಲಗ್ನ ಜಾವ್ಚೆ ಭಾಗ್ಯ ಮೆಳ್ತಾಶ್ಶಿಲೆ. ಜಾಲಯಾರಿಚಿ ತೊಂ ಮೂರ್ಖಾವರಿ ಜಾಲೊ ಕಿತಯಾಕ? ಹೇ ಸಕ್ಕಡ ಪ್ರಶ್ನೆಕ ಜವಾಬ ಗೊತ್ತಾಸ್ಸೂನು ತೂಂವೆ ಸಾಂಗನಾಶಿ ಘೆಲಯಾರಿ ತುಗೆಲೆ ಮಾತ್ತೆ ಹಜಾರ ಕುಡ್ಕೆ ಜಾವ್ನು ಫುಟ್ಟೂನು ವತ್ತಾ ಮ್ಹಳ್ಳೊ. (ಸಶೇಷ)

0 likes

Published By

Argodu Suresh Shenoy

argodusureshshenoy

Comments

Appreciate the author by telling what you feel about the post 💓

Please Login or Create a free account to comment.